SSC HSC 17 Number Form राज्यातील दहावी (SSC) आणि बारावी (HSC)च्या विद्यार्थ्यांसाठी अत्यंत महत्त्वाची माहिती समोर आली आहे. महाराष्ट्र राज्य माध्यमिक व उच्च माध्यमिक शिक्षण मंडळाने फेब्रुवारी-मार्च 2026 मध्ये होणाऱ्या परीक्षांसाठी खासगीरीत्या परीक्षा देऊ इच्छिणाऱ्या विद्यार्थ्यांसाठी SSC HSC 17 नंबर अर्ज भरण्याची प्रक्रिया सुरू केली आहे. 17 नंबर फॉर्मद्वारे अनेक आर्थिकदृष्ट्या दुर्बल, शाळाबाह्य किंवा काम करणारे विद्यार्थी वार्षिक परीक्षा देऊ शकतात. चला तर, या अर्ज प्रक्रिया, आवश्यक कागदपत्रे, शुल्क आणि इतर महत्वाच्या बाबींची सविस्तर माहिती घेऊया.
17 नंबर अर्ज म्हणजे काय?
SSC आणि HSC बोर्डामार्फत खासगी परीक्षार्थ्यांसाठीचा अधिकृत अर्ज म्हणजे 17 नंबर फॉर्म. या फॉर्मद्वारे अशा विद्यार्थ्यांना परीक्षा देण्याची संधी दिली जाते, जे कोणत्याही शाळेत नियमितपणे प्रवेश घेतलेला नसतो किंवा ज्यांचं शिक्षण काही कारणांमुळे थांबलं असतं. ही व्यवस्था अशा विद्यार्थ्यांना पुन्हा एकदा शैक्षणिक प्रवाहात सामील होण्याची सुवर्णसंधी देते.
महाराष्ट्र राज्य मंडळाचे सचिव देविदास कुलाळ यांनी प्रसिद्ध केलेल्या परिपत्रकानुसार, 1 ऑगस्ट ते 31 ऑगस्ट 2025 या कालावधीत विद्यार्थ्यांना अर्ज भरण्याची आणि शुल्क भरायची सुविधा उपलब्ध आहे.
अर्ज प्रक्रिया
- अधिकृत वेबसाइटला भेट द्या – www.mahahsscboard.in
- “Student Corner” विभागात जाऊन 17 नंबर फॉर्म निवडा.
- फॉर्ममध्ये नाव, संपर्क क्रमांक, ई-मेल, जन्मतारीख, परीक्षा केंद्र व इतर माहिती भरा.
- आवश्यक कागदपत्रांची स्कॅन कॉपी अपलोड करा.
- अर्जाची प्रत व शुल्काची पावती दोन प्रतीत प्रिंट करून ठेवा.
- मूळ कागदपत्रांसह निवडलेल्या शाळा किंवा कनिष्ठ महाविद्यालयात जमा करा.
आवश्यक कागदपत्रे
- शाळा सोडल्याचा दाखला (School Leaving Certificate)
- प्रमाणपत्र नसल्यास प्रतिज्ञापत्र (Affidavit)
- आधार कार्ड
- पासपोर्ट साईज फोटो
- ई-मेल आयडी व मोबाइल क्रमांक
ही सर्व कागदपत्रे अर्ज करताना अपलोड करणे अनिवार्य आहे.
| परीक्षा स्तर | सामान्य शुल्क | प्रक्रिया शुल्क | विलंब शुल्क (प्रति विद्यार्थी) |
|---|---|---|---|
| दहावी (SSC) | ₹1100 | ₹100 | ₹100 |
| बारावी (HSC) | ₹1100 | ₹100 | ₹100 |
शुल्क भरण्याची पद्धत: फक्त ऑनलाइन माध्यमातून
अर्ज करताना सर्व माहिती अचूक भरणं आवश्यक आहे.
प्रिंट आउट, पावती, हमीपत्र यांची दोन प्रती ठेवाव्यात.
आपला ई-मेल आयडी आणि मोबाईल क्रमांक सक्रीय असावा – कारण अर्जाची प्रत ई-मेलवर पाठवली जाते.
कोणत्याही शंका असल्यास mahahsscboard.in संकेतस्थळावर मदतीसाठी पर्याय दिलेले आहेत.
Disclamer: वरील सर्व माहिती ही महाराष्ट्र राज्य माध्यमिक व उच्च माध्यमिक शिक्षण मंडळाच्या अधिकृत परिपत्रकावर आधारित आहे. वेळोवेळी यामध्ये बदल होऊ शकतात. अधिकृत संकेतस्थळावर किंवा संबंधित कार्यालयाशी संपर्क साधून अद्ययावत माहिती घेणे विद्यार्थ्यांच्या हिताचे राहील. लेखामध्ये दिलेली माहिती सल्लागार स्वरूपाची असून, कोणतीही शासकीय हमी नाही.
वारंवार विचारले जाणारे प्रश्न (FAQs)
1. 17 नंबर अर्ज कोणासाठी आहे?
ज्यांनी नियमित शाळा किंवा कॉलेजमधून शिक्षण घेतलेले नाही, अशा खासगी विद्यार्थ्यांसाठी.
2. अर्ज भरण्याची अंतिम तारीख कोणती?
31 ऑगस्ट 2025 ही शेवटची तारीख आहे.
3. कागदपत्रं कुठे जमा करायची?
ऑनलाइन अर्जानंतर निवडलेल्या शाळा किंवा कनिष्ठ महाविद्यालयात जमा करायची आहेत.
4. अर्ज कसा भरायचा आहे?
mahahsscboard.in वर जाऊन “Student Corner” या विभागातून 17 नंबर अर्ज भरावा.
5. शुल्क भरण्यासाठी कोणत्या पद्धतीचा वापर करावा?
फक्त ऑनलाइन पद्धत स्वीकारली जाते.
